Khursachi Khuru

Povitr Khursache + kurven Amcheam + dusmanantlim Nivaramkam, + amchea Deva. Bapache ani Putache ani Povitr Atmeache nanvim. Amen.

Amchea Bapa

Amchea Bapa sorginchea, Tujem Nanv povitr zaum, Tujem raj amkam ieum, Tuji khuxi sorgar zata toxi sonsarant zaum. Amcho dispotto giras azamkam di, ani ami amcher chukleleank bhogxitanv, toxem amchim patkam bhogos, ani amkam tallnent poddunk dium naka, ponn vaittantlim amkam nivar. Amen.

Noman Marie

Noman Marie, kurpen bhorlele, Sorvesvor tuje tthaim asa,
Ostoream modhem tum sodoiv, ani sodoiv tuzo Put Jezu.

Bhagevonti Marie, Devache Maie, amam papiam khatir
vinonti kor atam ani amchea mornnachea velar. Amen.

Mhoima Bapak

Mhoima Bapak ani Putak ani Povitr Atmeak:
Adim, atam ani sodam sodankal. Amen.

Noman Rannie

Noman Rannie Kakutiche Maie, noman amchea jivita,
amruta ani bhorvanxea;
tuka ami ulo martanv ami pordexi Evechim ballkam.

Hea dukhachea konddant astam, askar-suskar
soddun ami tuka rudan kortanv.

Tor tum amche xaratinni te tuje kakutiche dolle
amche voir porot ani hea jivita uprant, tuje kuxichem
sodoiv foll jezu amkam dakhoi;
Eh xanti, Eh mogall konvalle, Eh dulob Ankvar Marie.

Sotman'tam

Sotman'tam Devak, sorv-podvedar Bapak,
sorga ani prithumechaea Rochnnarak.

Ani Jezu Kristak, Tachea ekleach Putrak,
amchea Svamiak To Povitr Atmea vorvim gorbhim sombhovlo,
Ankvar Marie thaun zolmolo, Pons Pilata khal Tannem koxtt sosle,
Taka khursar zoddlo To melo ani Taka nikhipilo.

To mel'leam modhem denvlo, tisrea disa mel'leantlo jivont zalo.
Sorgar choddlo, sorv-podvedar Deva Bapachea uzveak bosla,
Thoim thaun / jiveam ani mel'leanchi / mon'subi korunk ietolo.

Sotman'tam Povitr Atmeak, / Katolik Povitr Sobhek, bhoktancho ektar, Pakanchem bhogsonnem, kuddichem Jivontponn, Sasnnachem Jivit, Amen.

Hanv Patki

Hanv patki, Sorvpodvedar Devak ani tumkam, bhavam-bhoinnimno, Mhozo guneanv ucharun sangtam: monan chintun ani tonddan ucharun vaitt adarun ani borem soddun, hanvem zaitim patkam keleant. (Horddeak marun mhonntat):

Ho mhozo opradh, ho mhozo opradh, ho mhozo opradh, Hea pasot Bhagevont sodanch Ankvar Mariek, Soglleam devdutank ani bhoktank, ani tumkam, bhavam-bhoinnimno mhoje khatir/amchea Sorvesvora Deva lagim / vinoti korat mhonn prarthun magtam.

Credo

"Povitr Atmeak sotman'tam,
Isvor ani Jiv-Datar To:
Bapa ani Puta thaun nipzola,
Bapa ani Puta borabor Taka-i somsarko nomoskar ani mhoima favo;
Provadiam vorvim To uloilo".

Mind you that in the first line "sotman'tam" means "I believe". If your
parish priest prefers to have everything in the plural ("we believe"), then
"sotman'tam" will have to be replaced by "sotman'tanv".

(By Jorge de Abreu Noronha, Oeiras - Portugal)